قصص طريفة

مرة كان كل الشقة نايمة وانا الوحيدة الى صاحية وكانت الساعة 8 كان لسه بدرى على معاد صحينهم لانهم بينمو متأخر اوى وانا بخاف جدا فجيت اخش المطبخ اشرب نسيت انور النور والنور بره المطبخ وانا هموت من العطش فقلت مش مهم اشرب واخرج بشرب لقيت حاجة بتتحرك وبتعمل صوت رحت رميت ازازة المية في الارض وسبت التلاجة مفتوحة ومن الساعة 8 وانا تحت سرير اخويا وبترعش لحد الساعة 11 وكان من حظى ان اخويا كان عنده معاد صحى رحت خرجت انا اصرخ واقولوا سبنى ارجوك وهو يضحك يضحك رحت لما ركزت ورحت المطبخ لقيته كيس الزبالة

-------------------------------------------------------------------------------------------------

فى يوم كان الاستاذ بيشرح عن المخدرات وكان جايب شوية حاجات زى المخدرات زى بودرة الطباشير والملوخية النشفة وهم عملين زى الهرويين و الحشيش و فجأة واحد زميلى قال كبسسة العيال كلها جريت و الاستاذ لم الحاجة بسرعة وجرية وهو مرعوب و شكلة عاش دور تاجر المخدرات

-------------------------------------------------------------------------------------------------

كانت مرة في يوم اعده واعد جانبي واحد شكله يدي انه مهندس دكتور حاجة كده و فجأة حاسيت اكن حد بياخد مني حاجة والمشكلة انه طلع حرامي و سرق موبيلي و و هو بيسرق الموبيل رن وساعتها معرفتش اعمل ايه فقلتله ممكن الموبيل راح اداهوني واللهي حرامي طيب

------------------------------------------------------------------------------------------------

معلش هى قصة صغيرة بس تخليك تفكر مليون مرة قبل ما تعمل موقف شهامة مع بنات اليومين دول .. ليه بقى ..أقولكم ليه ...مرة واحد صاحبي كان فى المترو ولقى بنت واقفة وهو كان قاعد راح عمل شهم وقعدها مكانه ووقف بعيد شويه بس شايفها .جات بنت صحبتها جنبها ومش لاقيه مكان بتقولها يا بختك انتى لقيتي مكان تقعدى .. قامت قالت لها دورى يمكن تلاقى واحد حمار يقعدك مكانه .. وصاحبي الشهم سمع كل ده .. شفتوا بنات اليومين دوول ....إن كيدهن عظيم ...أحلى سلااااااام

-------------------------------------------------------------------------------------------------

مرة واحد اتصل بيا وقالى انتى طالق يا سناء طالق طالق طالق ولما قولتلو ان النمرة غلط قال انا اسف وقفل

-------------------------------------------------------------------------------------------------

مرة لما كنت فى ثانوى قعدت انا واصحابى نكتب على الحيطة زى بقيت الطلبة ما بيكتبوا بس ده كان فى اخر اليوم الدراسى وانا قاعدة اكتب لاقيت اصحابى مشيوا وقاعدين يندهوا عليا وانا مش برد عمالة اقولهم استنوا وشغالة كتابة وبعدين بصيت كده لاقيت المدير واقف فوق راسى طبعا كنت هموت من الخوف فقلتله خد الاقلام انا مش عاوزاها فضحك وقالى متعمليش كده تانى وعليها معملتهاش ابدا

-------------------------------------------------------------------------------------------------

واحنا في رمضان بقوم اصلي الفجر اهو الواحد يعمل ثواب عن كميات المعاصي اللي بيعملها طول السنه المهم انا صحيت وطبعا كان شعري منكوش اتوضيت ودخلت اوضه ماما على طراطيف صوابعي لانها كانت تعبانه وانا ماشيه اتكعبلت خبطت في السرير والدنيا ضلمه ماما صحيت ولقيتها عنيها مبحلقالي وبتقول(( عفـــ....عفــ .......عفــ............عفــــريت يا خرابااااااااااااااااااااااااااااااي))واحنا الاتنين في صوت واحد يا بـــابـــا

-------------------------------------------------------------------------------------------------

مطولش عليكم ده الشارع اللى طول مدة سنين الدراسه بمشى انا واصحابى منه وبنتعرض لاغرب المواقف المهم في يوم راجعين من الدرس اشترانا ساندوتشات واحنا ماشين جاءت سياره ميكروباص وواحد واقف على الباب وهو مفتوح وكان معاه عصايه طويله ضرب بيها صحبتى سبناها وجرينا وتقابلنا تانى وراح جه طفل زعق فيا وخد الساندوتش منى وكملت لوحدى جه راجل عجوز اوى راكب عجله وعكسنى بقيت مشيه بضحك لوحدى فى الشارع ومش عارفه ابطل كان مايتنسيش

-------------------------------------------------------------------------------------------------

كنا لسه شباب صغير في سنة ثانية ثانوي وكنا ثلاثة وكان عندنا امتحان ..........المهم واحنا ماشيين وداخلين علي المدرسة كنا بنعدي علي جنينة كده وكان فيها شوية كلاب من الكلاب الضاله واحنا ماشيين قام واحد مننا راح معاكس الكلاب دي كان فاكر ان الكلب هايخاف ويجري ...طلع العكس والكلب جري ورانا ..هههههههههه وقعدنا نجري لدرجة ان الكلب مسك في واحد ولولا انه رمي له الاله الحاسبة كان هبشه المهم بعد كده بقينا قاعدين نضحك والناس اللي شافتنا بقت عمالة تضحك وانا قعدت اضحك لحد ما خلصت امتحان

-------------------------------------------------------------------------------------------------

مرة انا وصحبى اعدين فى جنينة فلقينا ولد ماشى متكيف اوىىىىىى وعمال يمص قصب المهم فجأة بيبص وراة لقى 7 كلاب ماشين وراه تخيلو المنظر

-------------------------------------------------------------------------------------------------

كان مرة علينا امتحان فرنساوي وماكنش حد عارف حاجة ومن حظنا وزعوا علينا الاجابات هههههههههههههههه

-------------------------------------------------------------------------------------------------

يا عينى عليك يا صحبى مره وانا فى الجامعه ماشيين انا وواحد صحبى ومعروف انى ندل جدا فى جاى هو والبت بتاعتو واحنا مشيين انا وصحبى الواد اللى مع البت ده حيطه فالمهم خبط صحبى بالكتف وماشى صحبى وقع منه الكتب فى الارض المهم لم الكتب من الارض وقام وقالى بصوت منخفض جدا الواد ده المهم شتم الواد براحه قمت انا معالى صوتى جدااااااااا وقلت للواد الحق يا كابتن الواد ده شتمك مش عايز اقلكو صحبى ده اتعمل فى ايه اههههههههههههه

-------------------------------------------------------------------------------------------------

ابن خالتى مرة كان راكب أتوبيس وبعدين الأوتوبيس جه ماوقفش فى المحطةبتاعته وكان فى واحدة ست عجوزة اوى واقفة على المحطة ، فضلت تشاور للسواق والسواق ماوقفلهاش فى المحطة المهم بعد شوية فى المحطة اللى بعدها اتفاجئ ان الست جت ورا الأتوبيس بتاكسي وركبته وراحت ادت السواق حتة علقة بالشبشب بعد ما السواق خد العلقة المحترمة ، الست خدت منه حق التاكسي اللى ركبته لحد ما لحقت الأتوبيس وأدى جزاء السواق اللى مايقفش فى المحطة

-------------------------------------------------------------------------------------------------

زمان وانا فى3 اعدادى كان فى واد معايا فى المدرسة يقعد يكلمنى فى الراحة وفى الجاية فقررت الانتقام فجيت بعد العيد اتبقى معايا صواريخ وكان ساعتها هو مع صحابو كلهم فوقفت جنبه ووطيت كأنى بعدل الكوتشى ورحت حطيت الصاروخ وجريت والغبى افتكر اللى انا حطالو جواب فوطا وحصل اللى حصل وصحابو كلهم قعدوا يضحكوا عليه تانى لقيتوا غايب فحمدت ربنا وقاعدة بحكى لصحابى على اللى حصل وفجأة لقيتهم كلهم جريوا جيه ببص ورايا لقيت كلب شكله مكلش قبل كده وقعد يجرى ورايا لحد اخر الشارع والناس كلها قعدت تضحك عليا

-------------------------------------------------------------------------------------------------